'Tahrir' K Jyalon K Naam

yaqin ki aakhiri had tak

sar apne katate chalo

wafar ki aakhiri manzil talak

khoon k nazrane chadate chalo

mufisedeen e arz koi bachne na paye

naam o nishan unke mulk se mitate chalo

koi ghaddar e watan izzat na paye

har ghaddar ki gardan tum udate chalo

khoon behta hai kyun nahaq kamzoron ka

haath qaatil k tum bhi udate chalo

shahon ko kheencho mehlon se unke

sar e daar 'tahrir' pe use chadate chalo

haq ki naaro se goonje gi neel ki wadian

us hasin kal k liye aaj apne lutate chalo

haq o insaf se bhar jayegi yeh zameen

umeedon k pasbano badhte chalo

qafila e shoq k sathyon ghazion

aarzoo k sitaaron badhte chalo

nazm

insan hai kyun udas itna' kis ki hai usko talash yahan

shayad jo mil sake na kabhi ' usi khwahish ka hai malal yahan

woh jo apne gham mein hai beaman'woh jo apne dard mein aseer hai

woh nahi jo khud hai aaj apna ' woh karega kis se pyar yahan

apne hee dard ko samjha hai dard e kul' apne hee ranj ka shikwa hai balab

woh kisi aur dard ko samajh sake ' na hai koi aisa hazrat e insan yahan

mujhe phir wahi talash hai' mujhe phir uski hai arzoo

jo badal de mera qalb o zehan ' jo ata kare mujhe nya jahan

qalam

faraz ne likha tha

qalam surkhuroo hai

k jo usne likha

soch raha hoon aaj main

k aakhir maine kya likha

qalam aaj meri faryad karti hai

k tu hamesha ghame jan hi likhta hai

kaun likhega ghame dauran

agar tu mehaz faryad o fughan likhta hai

qalam ki faryad sun kar mujhe

khyal aaya k maine

ghame jan ko hi ghame dauran samajh lia

shayad qalam meri

isi liye surkhuru nahi hai

qalam se kia phir maine wada

k likhoonga ghame dauran zarur

lekin sochta hoon

ghame jan se

churaon kaise peecha huzoor

qalam ko khabar kya k

mera gham hi meri abroo hai

use khabar kya k

isi gham e jan ne

kia hai mujhe is se qareeb

phir bhi qalam ki sur khuroee k liye

maine wada kia hai

ghame dauran zarur likhoonga

tanhae

koi nahi hai mera

tanhae k siwa

tanhae mere andar

rehti hai is tarah

goya'

mujhe tanha nahi chahti hai chorna

main us se

kis tarah churaon peecha

tanhae mera saya

tanhae mera aaena hai

tanhae bakshti hai mujh ko

khud kalami ka sharf goya

tanhae ne mujh ko rakha nahi kabhi bhi tanha

sochta hoon aksar tanha

log darte hain kyun

tanhae se itna

jawab khud hi pa lia maine

rah kar aksar tanha

koi dekhna nahi chahta

zat ka aaena

talash

Aao kuch der baith jayen
mere liye nahi apne liye
daryaft karo ek jahan
apne liye nahi mere liye
huzn ka elaj hai yeh
shifa yeh shikastagi ki hai
na koi gar mile tumhen
eltefat o ishteyaq k liye
to khud ho jao dawa apni
na mil sakegi yeh dawa
"doosre" ki talash mein
khud apni hi talash karo
Aao kuch der baith jayen
mere liye nahi apne liye

kis cheez ki hai fikr tumhen
kis cheez ka itna malal hai
woh nahi mila hai kabhi tumhen
woh nahi milega kabhi tumhen
teri talash jayegi raegan
tera huzn rahega jawedan
tu apne gham mein aseer hai
tu apne gham mein aseer rah
jo tu chahta hai elaj e gham
gar tujhe hai dawa ki talash abhi
to muqame raza ka husool kar
jahan dard o ranj o gham tera
na rahega itna bekaran
shayad yahin milega woh
wahi jis ki tujh ko talash hai
jo talash adhoori bhi rah gaye
to muqam tera buland rahe
woh muqam jo aah o fughan se
pare bhi hai 'buland bhi
Aao kuch der baith jayen
mere liye nahi apne liye

shayar

shayar kaun hota hai

shayar deewana hota hai

nahi'nahi

to phir kya

deewana shayar hota hai

han'shayad

han wahi jo dukh ko sukh

aur sukh ko dukh likhta hai

achcha'achcha

woh jo har gham ko gham e jan banata hai

aur woh jise zindagi hamehsa khwab lagti hai

han'han

wahi jise ahde shabab mein bhi

zindagi azaab lagti hai

achcha'phir woh kaun hai

jo tanhae mein hansta bhi hai gata bhi

tare ginta bhi hai'aahen bharta bhi

han'woh bhi

shayar hi hai jo gata bhi hai rota bhi

rota bhi hai aur jeeta bhi

sher nae likhta hai hamesha

jeene ki ramaq deta hai sabhi ko

pagal samjho ya deewana

shayar hai in sab se begana

achcha' achcha

bat aisi hai agar teri

to tu shayar hai ya deewana

mera malik

aao use awaz den

sunta hai sabhi ki woh

shayad mera elaj bhi

us ke liye aasan ho

woh raheem hai woh kareem hai

zat uski beniyaz hai

pukar loon use jis ghadi

uski zat ghadi emin nahi bandhi

waqt uska ghulam hai

waqt uski shan hai

kuch waqt kabhi mera bhi

shayad naghma saz ho

usi ki zat se umeed hai

usi ki zat ka khyal ho

main usi ki ban jaon sada

main usi ki yad ka nishan hoon

mujhe tham le'mujhe rok le

aye mere rabbe kareem tu

woh hiqaraten'woh himaqaten

sab meri hi adayen hain

tu ghafoor hai'tu azeem hai

meri kasafaton k bad bhi

tera karam mujh pe zarur hai